HAZRATE HAANI KI SHAHADAT 47OUR48

🏁🔴🏁🔴🏁🔴🏁🔴🏁🔴

 *🥀 MUHARRAM 🥀*

➖➖➖➖➖➖➖➖➖➖➖

    HAZRATE HAANI KI SHAHAADAT

➖➖➖➖➖➖➖➖➖➖➖

 Post-47

🔹Hazrate Muslim ki shahaadat k baad Hazrate Haani jinhone apne ghar mein panaah di thi unki shahaadat...

🔻Hazrate Muslim ki shahaadat 3 zulhijja hijri 60 ko hui...

      Aapki shahaadat k baad koofaa walon par aysa khauf chha gaya k logon ne gharon se nikalna chhod diya har taraf sannaata chha gaya k aik dusre ki khabar na thi...

       Yahan tak k Hazrat Haani bin Urwah jin k qatal ka sun kar un k qabile waalon ne governor house gher liya tha....lekin Jab unko bazaar mein le jaa kar qatal karne ka hukm huwa...Haani ko haath baandh kar le jaa rahe the to Wo pukaar rahe the....

       Kahan hai mere qabile waale mere ghar waale meri jaan kyun nahi bachaate....magar koi nazar nahi aaya jo Haani ki madad karta...jab wo maayus ho gaye to zor laga kar apna haath rassi se aazaad kara kar zorse pukaare k koi laathi..danda..chhadi..patthar ya uunt ki haddi hi do k mein apni jaan bachaa sakun....kisi ne kuch bhi jawab tak na diya...

🔻Sipaahiyon ne Aap k haath waapas baandhe or bhare baazaar mein shahiid kar diya...

.....Inna lillahi wainna ilayhi raajiuun

🔻Hazrte Muslim ne jab 40000 logon k saath governor house ka gheraaw kiya tha usi waqt apne dono beton ko Qaazi Shurih k yahan bhej diya tha...

       Jab ibne ziyaad ko pata chala k Muslim k saath 2 bachche bhi the to usne saare sheher me aelaan karwa diya k jo bhi Muslim k bachchon ko chupayega wo sakht saza payega or jo pakad kar hukumat k hawaale karega usko inaam diya jaayega...

       Ibne ziyaad k aelan se laalchi log or sipahi inaam ki laalach me bachchon ki talaash me dod pade...

...........AL AMAAN WAL HAFIZ...

......Ridwanullahi taala ajmaiin...

TAARIKHE TIBRI...

SAWAANAHE KARBALA...

KHUTBAATE MUHARRAM...

➖➖➖➖➖➖➖➖➖➖➖

 ```MUSLIM K BACHCHON KI SHAHADAT```

➖➖➖➖➖➖➖➖➖➖➖

*```▶Post-48```*

🔻Ibne ziyaad k aelan k baad Qaazi Shurih ghabra gaye or foran zaade raah tayyaar kiya or apne bete asad se kaha k.... Aaj koofa k qarib se aik qaafla madina sarif ki taraf jaanewala hai in bachchon ko kisi ahlebait k chaahne waale k hawaale kar dena or bolna k in bachchon ko tawajjo se sambhal kar madine sharif tak pohncha de...

🔻Jab asad us raaste par pohncha jahan se qaafla guzarne waala tha to dekha k wo qaafla guzar chuka hai...wo tezi se us taraf bhaaga jidhar qaafla gaya tha jab dhul udti nazar aayi to usne bachchon se kaha k dod kar qaafle me shaamil ho jaao ye keh kar usne bachchon ko us taraf dauda diya...or waapas aagaya...

        Bachche us taraf dode kuch duur tak dode lekin kuch der baad dhul ka ghubaar dikhna band ho gaya...or qaafla chala gaya...chhote se bachche is tanhaai mein aik dusre se gale lag kar zorse rone lage or apne maa baap ko pukaar kar rone lage....

...ALLAH...ALLAH...ALLAH...ALLAH..

🔻Kuch zaalimon k hatthe bachche pakde gaye...or un chhote chhote bachchon ko jail me daal diya gaya...

       Us jail ka jailer ahle bait se muhabbat karnewala tha...wo raat k kisi hisse me bachchon ko jail se riha kar k apne ghar laya mehmaan nawaazi ki...or un ko apni anguthi di or Qaadsiya ( city name ) jaanewali raah par daal kar kaha siidhe jate raho jab wahan pohonch jao to ye anguthi kotwaal ko dikhana saara haal bataana...wo tumhari madad karega...

🔻Bachche chal pade..bachche hi to the...raat bhar chalte rahe...subha jab andhera chhata to dekha k jis jaga se chale the wahin par khade hai...

       Aik dusre se gale milkar ro pade...ujaala phelne par aik kaniiz ki nazar padi to pehchan kar apne maalik k ghar le aayi us ki maalika ahlebait ko chaahne waali thi...khub bachchon ko pyar kiya or nehla dhulakar saaf suthra kiya jab bchchon pet bhar khana kha liya to raat bhar k thake bachche so gaye..

       Raat ko jab uska shohar aaya jo sharaabi tha jab use pata chala k Muslim k bachche mere ghar hai to biwi par bigda k din bhar in hi logon ki talaash me bhaaga bhaaga firta raha...or ye yahan soye huwe hai....

🔻Subha me bachchon ko ghasit kar jab le jaa raha tha to biwi ne bohot minnat samaajat ki k in besahara pyare bachchon ko chhod de...usne aik na suni or dariya kinaare le aaya biwi bhi haanpti kaanpti aayi to pehle biwi ko zakhmi kiya fir bachchon ki taraf badha or jaise hi talwaar nikali bachche khauf se aik dusre k gale lag gaye...rone lage...

       Zaalim ko un par taras na aaya or dono k sar tan se juda kar diye sar apne paas rakh kar jism paani me baha diye...

.....INNA LILLAAHI WAINNA...

.....ILAYHI RAAJIUUN...

.....Ridwanullahe taala anhum 

               ajmaiin...

*📚TAARIKHE TIBRI...*

*SAWAANAHE KARBALA...*

*KHUTBAATE MUHARRAM...*

👑👑👑👑👑👑👑👑👑👑

*🏁 MASLAKE AALA HAZRAT 🔴*